لاننا لبنانية، لاننا وطنيين، لاننا انسانيين، مهما توحش عدونا، ومهما غدر ..
ولاننا لبنانيين من كل زاوية وحي وشارع بلبنان، من هون، من عين المريسة لصخرة الروشة، لرملة البيضاء والضاحية والجبل وصيدا وصور وبنت جبيل وطرابلس.
لبنانية شاء من شاء وابى من ابى
لبنانية، ومنحس بأبطالنا اللي حاملين جراحاتهم،، أوسمة العز والبطولة، ومنحضنهم بقلوبنا
لبنانية، رح نرفع اعلام وطنا، واعلام احزابنا.. متلنا متل اي انسان .. متل متل اي مواطن شريف، ومرفوع الرأس
بس أنتو وين؟
نازلين، لان هيدا اقل واجب تجاه جرحانا. نازلين لان مش مقبول نسمح لعدونا يفرض علينا التطبيع مع فكرة قتلنا وغدرنا
أنتو وين؟
نازلين لنقول للجاحد الناكر تضحيات اللبنانيين دفاعا عن وطنهم ومدنهم وقراهم :نحن هنا. فأين انت؟ وين انتو فعلا؟
نازلين لان لبنان النا كلنا. وبساعنا كلنا.
بس أنتو وين؟ ليه مش حد اهلكم واصحابكم واحبابكم وجيرانك بهالوطن؟
لا طائفة ناجية في هذه البلاد المتآمر عليها. مافي ناجين .. مافي ناس على راسهم ريش.
اتطلعوا منيح بعيون الفلسطينية، مسيحية واسلام،،، اتطلعوا منيح بعيون العراقية،،، اطلعوا منيح بعيون السوريين وشوفو جغرافيتهم شو صار فيها
ارتقوا .. ارتقوا با لبنانيين
سوا منكبر.. واللي بيتباهى بدو يعيد التاريخ.. تاريخ حروبنا الاهلية، ما تعلم شي ولا فهم كيف خلصت حروبو بتهجير اغلب ابناء طائفتو
مافي طائفة ناجية يا اخوان..
لكل شي نحنا نازلين
خليل حرب
#تعافينا #عينالمريسة
#عيوناعيونكن #بيروت
